Библиотека

"Любіце кнігу, бо яна – крыніца мудрасці, ведаў і навукі, лекі для душы"

                                                                                                            Ф. Скарына

Бібліятэка – найважнейшае структурнае падраздзяленне філіяла, што ажыццяўляе інфармацыйнае забеспячэнне адукацыйнага працэсу, выхоўвае інфармацыйную культуру карыстальнікаў.

Працуе наша бібліятэка з 1957 года -  года заснавання навучальнай установы.

З пачатку сваей дзейнасці бібліятэка была не толькі адукацыйна-інфармацыйным  цэнтрам навучальнай установы, але і центрам прапаганды твораў мастацкай літаратуры, далучэння чытачоў да здабыткаў нацыянальнай і міравой культуры.

І ў цяпэрашні час   дзейнасць бібліятэкі накіравана на забеспячэнне інфармацыйнай падтрымкі дзейнасці філіяла ўніверсітэта па аказанні якасных адукацыйных паслуг, фарміраванню інтэлектуальна і духоўна развітай асобы. У аснове работы бібліятэкі - сістэма менеджмента якасці, інфарматызацыя бібліятэчных працэсаў, а таксама выкарыстанне традыцыйных форм папулярызацыі  вучэбнай і мастацкай кнігі сярод карыстальнікаў.

Бібліятэкай вядзецца работа па папаўненню бібліятэчнага фонда актуальнай вучэбнай літаратурай. Кніжны фонд налічвае  больш за 68,5 тыс.экз. выданняў. Створаны і развіваецца электронны фонд бібліятэкі. Гэта, у першую чаргу, электронны каталог бібліятэкі, які налічвае  больш за 22 тыс. электронных бібліяграфічных запісаў; электронныя сродкі навучання на кампакт-дысках; фонд друкаваных выданняў ў электронным фармаце, поўнатэкставыя кніжныя рэсурсы выкладчыкаў  універсітэта і інш. Для інфармавання навучэнцаў і выкладчыкаў аб новых паступленнях літаратуры ў  бібліятэку, ствараецца анатаваны паказальнік новых паступленняў  на сайце. Для павелічэння эфектыўнасці абслугоўвання чытачоў у бібліятэцы выконваюцца платныя паслугі.

У структуры бібліятэкі - абанемент і чытальная зала на 24 пасадачныя  месцы. Дзеля зручнасці работы карыстальнікаў  чытальная зала абсталявана 7 персанальнымі  рабочымі месцамі, аснашчанымі  камп’ ютарамі.

У мэтах удасканалення выхаваўчай работы, ў бібліятэцы праводзяцца мерапрыемствы гісторыка-патрыятычнай, прававой і маральнай накіраванасці, а таксама мерапрыемствы па фарміраванню здаровага ладу жыцця, папулярызацыі мастацкіх твораў. Выкарыстоўваюцца такія формы бібліятэчнай работы  як кніжныя выставы, літаратурныя гадзіны, тэматычныя гутаркі. Асаблівая ўвага надзяляецца прапагандзе і папулярызацыі кніг беларускіх аўтараў і роднай мовы. У гэтым годзе Беларусь зноў звярнулася да тэмы малой радзімы. Часам мы з'язджаем з родных мясцін у пошуках лепшай долі, за марай або каханнем, з мэтай зарабіць больш грошай. Але той дом, дзе мы нарадзіліся, назаўжды застаецца ў памяці і нават праз сотні і тысячы кіламетраў вабіць да сябе.  Чытачам прапануем падбор патрыятычных вершаў беларускіх паэтаў Я. Купалы,  П. Броўкі, В. Віткі, Н.Гілевіча, П. Панчанкі і іншых, а  таксама лірычныя і празаічныя творы класікаў і маладых  таленавітых беларускіх пісьменнікаў і паэтаў аб Беларусі, малой радзіме, каханні, родным куточку кожнага  з нас.

Выставы да  знамянальных і памятных дат – візітная картка абанемента і чытальнай залы.  Цэнтральнымі кніжными выставамі, якія пастаянна дзейнічаюць і аднаўляюцца, з’ яўляюцца выставы:  «Идеология Республики Беларусь», на якой прадстаўлены матэрыялы аб дзяржаўнасці, сучаснай ідэалогіі, аб дасягненнях  у розных сферах сацыяльна-эканамічнага, навуковага і культурнага жыцця рэспублікі, а таксама  выстава -  «Вандроўка ў родную мову», дзе сабраны  кнігі і артыкулы па беларускаму мовазнаўству, мастацкая літаратура беларускіх класікаў і сучасная беларуская літаратура.

Галоўны накірунак  дзейнасці бібліятэкі на сучасны момант – задавальненне інфармацыйных патрабаванняў навучэнцаў і настаўнікаў шляхам выкарыстання сучасных інфармацыйных тэхналогій, інавацыйных метадаў работы.

Наш кантактны тэлефон: (8-017) 285-55-18